د ټاکنیزو کمیسیونونو غړو د دوه ورځني ورکشاپ پیل

iecc-af
Mon, Aug 05 2019 12:56 PM
د ټاکنیزو کمیسیونونو غړو د دوه ورځني ورکشاپ پیل

د علمي تجاربو، د ټاکنیزو کمیسیونونو تر منځ اعتماد جوړونه، د ټاکنو ترسره کیدو لپاره د یو منظم اداري چوکاټ رامنځته کول او د ټاکنیزو  کمیسیونونو د کارکوونکو د ظرفیت لوړولو د کړنلارو ایجادولو په موخه، د ملګرو ملتونو سازمان پراختيايې پروګرام یا (UNDP) لخوا، د شنبه په ورځ (۲۹/۴/۱۳۹۸) دوه ورځنۍ ورکشاپ د ټاکنیزو کمیسیونونو د رهبري غړو لپاره په کابل کې جوړ شو.

د ټاکنیزو کمیسیونونو د رهبري غړو د دا ډول ښوونیز ورکشاپونو جوړل د ټاکنو عملیاتي بهیر د چټکوالي او د ټاکنو ترسره کیدو په موخه بریالي او اړین وباله او  له دغه نړیوال بنسټ څخه يي وغوښتل چې دا ډول پروګرامونه د کمیسیونونو د مسلکي کارکوونکو په کچه هم جوړ کړي.

په دغه ورکشاپ کې ګډونوالو  د ټاکنو ښه مدیریت، د داسې ټاکنو ترسره کیدو چې ټولو ذیدخله ټاکنیزو خواوو ته د منلو وړ وي او د ټاکنیزو کمیسیونونو د نقش او دندو په اړه، بحث وکړ.

د ټاکنو خپلواک کمیسیون رئیسې آغلې حوا علم نورستاني په پیل کې د دا ډول برنامو جوړول د کمیسیونونو تر منځ د ټاکنیزو تجاربو شریکولو  لپاره یو ښه زمینه وګڼله او وویل، کولای شو چې د د غو پروګرامونه د پایلو او زده کړل شوو درسونو څخه د ټاکنو بهیر کې په عملي توګه ګټه پورته کړو.

د ټاکنیزو شکایتونو خپلواک کمیسیون رئیسې آغلې زهره بیان شینوارې په دغه ښونیز پروګرام کې وویل: د ټاکنو خپلواک کمیسیون د ټاکنو ترسره کیدو مسوولیت لري، خو د ټاکنیزو شکایتونو خپلواک کمیسیون مسوولیت د ټاکنو بهیر ته، مشروعیت ورکول دي او که چیرته د شکایتونو کمیسیون ټاکنیز عدالت تامین نکړي، ټاکنې مشروعیت نلري.

د ټاکنیزو شکایتونو خپلواک کمیسیون مرستیال ښاغلي دین محمد عظیمی د روان کال د تلې میاشتې ۶ مې نیټې د جمهوری ریاست ټاکنو لپاره د دغه کمیسیون له بشپړ چمتوالي څخه خبر ورکړ  او  په ټاکنیزو شکایتونو کمیسیون کې يې د ټاکنیزو اعتراضونو او شکایتونو د ثبت او رسیدنې پړاونو په هکله هر اړخیزه خبرې وکړي.

ښاغلي عظیمي د یو سالمې ادارې او په تصمیمونو کې قاطعیت د رڼو او معتبره ټاکنو  ترسره کیدو لپاره اړین وبلل او زیاته يي کړه: ټاکنیز اعتراضونه او شکایتونه اسناد او شواهدو ته په کتو سره، په دوه مرحلو ولایتي او مرکزي کچه، بررسي او تحلیل کیږي او وروسته بیا د قضیو په اړه تصمیم نیول کیږي.

همدارنګه په دغه پروګرام کې د ټاکنیزو شکایتونو خپلواک کمیسیون غړي ښاغلي قطب الدین رویدار د شکایتونو کمیسیون د ځانګړو او اساسي دندو په اړه خبرې وکړي وویل: شکایتونو کمیسیون د ټاکنو بریالیتوب لپاره په ټولو پړاونو کې اساسي او بنسټیز رول لوبوي.  د قانون او طررالعملونو پر بنسټ باید ټول شکایتونه، د ټاکنیز تقویم په مطابق رسیدګې وشي تر څو ټاکنیز عدالت تامین شي.

ښاغلي رویدار زیاته کړه، باید ټاکنیزو تخطیو، تخلفاتو او جرایم ته د رسیدنې لپاره بشپړ او پوره چمتوالی ونیول شي تر څو د ولسمشریزو ټاکنو پایلې ټولو هیوادوالو او ذیدخله اړخونو ته د منلو وړ وي.

په دغه ورکشاپ کې د ټاکنیزو شکایتونو خپلواک کمیسیون منشي ښاغلي محمد قاسم الیاسي د ټاکنیزو کمیسیونونو تر منځ د یو شمیری همغږیو نشتون، د مالی منابعو نه موجودیت، په الکترونیکي بڼه د شکایتونو د ثبت سیستم نه موجودیت، د غږیز او انځوریز مدارکو لپاره د تشخیص وسایلو نشتون، د اړیکې مرکز نشتون، د ظرفیت لوړلو پروګرامونو کمښت، د ۵۰۰۰ نظارتي کارکوونکو استخدام هغه ننګونې وګڼلي چې د ۱۳۹۸ کال ولسمشریزو ټاکنو پر وړاندې اوس هم شتون لري.

په همدې توګه د ټاکنیزو شکایتونو خپلواک کمیسیون غړي ښاغلي محمد یونس طغرا د هغو کړنلارو په هکله خبرې وکړي چې د ټاکنو بهیر په اړه د خلکو اعتماد څنګه بیا ترلاسه کیدای شي. هغه د ټاکنو رڼتیا لپاره د رای ورکولو په محلونو او مرکزونو کې د ملي او نړیوالو ناظرانو شتون ارزښتناک وباله او وړاندیز يي وکړ چې په دې هکله دې د نورو هیوادونو تجاربو څخه ګټه پورته شي.

د ټاکنیزو شکایتونو کمیسیون د دارالانشاء رئیس ښاغلي چمن شاه اعتمادي هم د دا ډول ورکشاپ جوړول د ستونزو د پيژندلو او د ټاکنیزو کمیسیونونو دکارکوونکو د ظرفیت لوړولو لپاره خورا ګټور عنوان کړ او وویل: د ټاکنیزو شکایتونو خپلواک کمیسیون اهمیت ته پام سره چې ټاکنو ته مشروعیت ورکوي خو بیا هم دا کمیسیون ته هغومره چې اړینه ده، پام نکیږي. نوموړي څرکنده کړه چې د ټاکنیزو شکایتونو خپلواک کمیسیون بریالیتوب د نړیوالې ټولنې غوڅ ملاتړ پوري، تړاو لري.

د ټاکنیزو کمیسیونونو د کارکوونکو د ظرفیت لوړول، د کمیسیونونو تر منځ د همغږي پیاوړي کول، بریالیو ټاکنو کې د آزادو رسنیو ارزښت او د ۱۳۹۸ کال د ولسمشریزو ټاکنو تقویم  هغه مهم موضوعات دي چې ټاکل شوي ده په دغه دوه ورځني ورکشاپ کې به پرې خبرې؛ اترې وشي.

آغاز ورکشاپ دو روزه با اشتراک کمیشنران کمیسیون های انتخاباتی

Latest news

Wed, Mar 24 2021 3:36 PM
Background image

Deputy Special Representative (Political) for Afghanistan meets with ECC's leadership

24 March 2021, Deputy Special Representative of the Secretary-General, Political (DSRSG) Ms. Mette Knudsen for Afghanistan met with members of the ECC leadership at ECC. Ms. Zohra Bayan. . .

Wed, Mar 17 2021 2:06 PM
Background image

UNESP advisors meet ECC CEO

17 March 2021, Kabul United Nations Electoral Support Project (UNESP) Afghanistan advisors met Independent Electoral Complaints Commission CEO, Mr. Chaman Shah Etemadi along with. . .

Sun, Mar 14 2021 10:49 AM
Background image

ECC Press Release on Preparations for Conducting Elections in the Year 1400 [2021]

14 March 2021, Kabul The ECC has made necessary preparation for conducting Wolesi Jirga (Ghazni), provincial councils, district councils and mayoral elections. The members of the. . .

BACK TO NEWS