د ټاکنیزو شکایتونو خپلواک کمیسیون د معلوماتو مرکز پرانیستل

iecc-af
Sun, Sep 08 2019 2:45 PM
Call Center

د ټاکنیزو شکایتونو خپلواک کمیسیون د معلوماتو مرکز (Call center) د یکشنبې په ورځ (۱۷/۶/۱۳۹۸) د دغه کمیسیون د رهبري غړو لخوا پرانیستل شو. د اړیکې دغه معلوماتي مرکز د لومړي ځل لپاره د شکایتونو کمیسیون د اطلاعاتو او عامه پوهاوي ریاست په اډانه کې، هیوادوالو ته د آسانتیاوو رامنځته کولو په موخه په فعالیت پیل وکړ.

د ټاکنیزو شکایتونو خپلواک کمیسیون چارواکو د معلوماتو مرکز سیستم فعالیدل،  د ټاکنیزو شکایتونو ثبت اور رسیدنې  په اړه معلوماتو ته د لاس رسي په برخه کې خورا اړین وباله.

د ټاکنیزو شکایتونو خپلواک کمیسیون رئیسې آغلي زهره بیان شینواري د دغه مرکز په پرانیسته مراسمو کې وویل: په خوا د اړیکي کوم مشخص مرکز شتون نه درلود چې هیواد وال له هغې لاري په آسانی سره وکولای شي معلوماتو ته لاس رسی ولري.

میرمن شینوارې دغه مرکز د ټاکنیز بهیر ذیدخله خواوو لپاره یو ارتباطي پول په توګه یاد کړ او زیاته يي کړه؛ له دې وروسته هیوادوال کولای شي چې د معلومات مرکز له لاري د ټاکنیزو شکایتونو د ثبت او رسیدګي بهیر د څرنګوالي په اړه ، د تیلفون له لاري دهیواد له هرې سیمې خپل د ضرورت وړ معلومات ترلاسه کړي.

د غونډې په دوام کې د ټاکنیزو شکایتونو خپلواک کمیسیون مرستیال ښاغلي مولوي دین محمد عظیمي د دغه مرکز اهمیت په اړه وویل چې د دا ډول مرکز ایجادول د شکایتونو په کمیسیون بي سابقه او د کمیسیون د نوي رهبري یو مهمه لاسته راوړنه ده.

مولوي صاحب عظیمي د معلوماتو مرکز له کار کوونکو وغوښتل چې خپل تخنیکي او حقوقي معلومات بشپړ کړي او هیوادوالو ته کره معلومات وړاندې کړي.

همدارنګه د ټاکنیزو شکایتونو خپلواک کميسیون د دارالانشاء رئیس ښاغلي چمن شاه اعتمادي هم د دغه مرکز د فعالیت تشریح کولو ترڅنګ، له هیوادوالو وغوښتل چې د ټاکنیزو شکایتونو د ثبت او رسیدګی بهیر په اړه چې  هر ډول معلوماتو ته اړتیا ولري کولای شي چې د تیلفوني اړیکې له لاري د معلوماتو له مرکز څخه ترلاسه کړي.

د مخابراتي خدمتونو د تنظیم اداري (اترا) د ارقامو له مخې؛ دا مهال شاوخوا  ۲۲.۳۴  ملیون خلک په افغانستان کې د مبایل  فعال کارونکي شتون لري چې د افغانستان  ۹۰ سلنه سیمې په بر کې نیسي، له همدې امله دا د ټاکنیزو شکایتونو خپلواک کميسیون ته یو ښه فرصت برابروي ترڅو په ښارونو، کلو او دهیواد په لرو پرتو سیمو کې  چې ژوند کوی، په آسانه توګه معلوماتو ته د لاس رسي آسانتیاوي برابري شي..

هیوادوال کولای شي چې د معلوماتو مرکز څخه په ګټې اخیستنې سره د ټاکنیزو شکایتونو د ثبت او رسیدګي څرنګوالي په اړه د تیلفوني اړیکې له لاري خپل اړین معلومات ترلاسه کړي.

د دغه مرکز د اړیکي شمیر ۱۳۲ ده او د رخصتیو له وروځو پرته په اونی کې ۶ ورځې د سهار له ۸ د ماذدیګر تر ۶ بجو پورې فعال او دهیوادوالو په چوپر کې به وي.

Latest news

Thu, Sep 12 2019 4:20 PM
Background image

Consultation Meeting between the Electoral Complaints Commission (ECC) and Civil Society Organizations (CSOs)

Date: 12 September 2019

Time: 0900 hrs.

Participants: Representatives of 10 CSOs working in elections, including ACSFO, FEFA, TIFA and ETWA

Venue: ECC, Kabul
 

Key Highlights

Depu. . .

Sun, Sep 08 2019 3:19 PM
Background image

The Electoral Complaints Commission is Fully Prepared to Address the Complaints of the Presidential Election

The Electoral Complaints Commission (ECC) as per the electoral timeline and in coordination with the Independent Election Commission, is fully prepared to address the complaints of the. . .

Mon, Aug 05 2019 2:10 PM
Background image

Training for Newly appointed Provincial Commissioners Concluded

03, August 2019, Kabul -

The oath ceremony and training seminar for 112 newly appointed provincial commissioners concluded on 3rd August 2019.

During the opening ceremony of the two. . .

BACK TO NEWS