د ښځو نړیوالې ورځ څخه نمانځنه

iecc-af
Wed, Mar 11 2020 3:30 PM
8march

د مارچ اتمه د ښځو پیوستون نړیوالې ورځ چهارشنبه (۲۱/۱۲/ ۱۳۹۸) د ټاکنیزو شکایتونو خپلواک کمیسیون کې د یو لړ مراسمو په ترڅ کې ولمانځل شوه.
د دغو مراسمو په پیل کې د ټاکنیزو شکایتونو خپلواک کمیسیون رئیسې آغلې زهرې بیان شینوارې ګډونوالو ته د ښه راغلاست ترڅنګ، د ښځو د پیوستون نړیواله ورځ د رارسیدو له امله د نړی ټولو ښځو په ځانګړي توګه د افغانستان زړورو او زیار کښه ښځو ته مبارکي ورکړه او زیاته يې کړه: ښځې هغه استعداد او ځواکمنتیا لري چې له خپل ورونو سره اوږه په اوږه کار وکړي، د ټاکنیزو شکایتونو خپلواک کمیسیون په مرکزي او ولایتي دفترونو کې د ښځو ۲۷ سلنه شتون، یوه لویه لاسته راوړنه ده. د ټاکنیزو شکایتونو خپلواک کمیسیون رئیسې ژمنه وکړه چې د ښځو لپاره تحصیلي، کاري او نوري آسانتیاوي برابري وي، تر څو په کمیسیون کې د ښځو حضور لا نور هم زیات شي.
میرمن شینوارې همدارنګه د تیرو ټاکنو د اعتراضونو او شکایتونو د رسیدنې بهیر کې د ښځو له فعالیتونو او کړنو څخه یادونه وکړه او وویل:  په مرکزي اولایتي دفترونو کې زموږ د ټولو همکارانو په ځانګړي توګه د ښځو په همکاری او هڅو سره وتوانیدو چې تیري ټاکنې په بریالیتوب سره پای ته ورسوو. نوموړي د ښځو له صادقانه او بي پرې کار څخه مننه او قدرداني وکړه.
وروسته د ټاکنیزو شکایتونو خپلواک کمیسیون مرستیال ښاغلي مولوي دین محمد عظیمي هم د ښځو د پیوستون نړی واله ورځ د هیواد ټولو خویندو او میندو ته مبارکي ورکړه او د غونډې ګډونوالو ته يې د اسلام سپیڅلي دین کې د ښځو مقام په اړه معلومات وړاندې کړل. ښاغلي مولوي عظیمي زیاته کړه، خدای ج ټول انسان یو شان پيدا کړي دي او خدای ج ته هغه خلک نیږدي دي چې هغوی تقوا او پرهیزګاره وي. د اسلام په مبارک دین کې د ښځو او نارینوو تر منځ تفاوت شتون نلري. ټول انسانان برابر حقوق لري.
نوموړي د ښځو مقام په اړه د حضرت محمد ص  څو حدیث شریف قرائت کړل چې فرمایلي دي: ستاسو بهترین اولادونه ستاسو لورګاني دي. ډالی لومړی خپل لورګانو ته ورکړئ او جنت د مور تر پښو لاندې دی.
د غونډې په دوام کې د ټاکنیزو شکایتونو خپلواک کمیسیون د دارالانشاء رئیس ښاغلي چمن شاه اعتمادي هم د افغانستان ښځو ته د دغې ورځ مبارکي ورکړه او زیاته يې کړه، د ښځو په اړه د اسلام سپیڅلي دین او غربي نړی لید توپیر لري، د افغانستان او د اسلام تاریخ  کې د زړه ورې او نامداره ښځې شتون لري.
ښاغلي اعتمادي د مارچ اتمي نیټې د رامنځته کیدو فلسفي ته په اشارې سره وویل: دغه ورځ د کار د مزد برابر والي، د زده کړو حق، د رای ورکولو حق او په ټوله کې د ښځو لپاره د برابر حقوقو او امتیازاتو ترلاسه کولو لپاره دی. نوموړي په هیواد کې د وورستیو پرمختګونو ستاینه او ژمنه يې وکړه چې د شکایتونو کمیسیون کې به د ښځو کارکوونکو لپاره لا نوري آسانتیاوي او امکانات برابر کړي.
همدارنګه د ښځو چارو وزارت استازې د مارچ اتمې په اړه، د ښځووزارت د وزیرې میرمن دلبر نظري پيام د غونډې ګډوالوته ولوست او د ټاکنیزو شکایتونو کمیسیون د جندر آمرې هم د ښځو د پيوستون ورځ په اړه وینا وکړه.

غونډه د ستاینلیکونو او ډالیو په ورکړي سره پای ته ورسیده.

8march

Latest news

Tue, Jan 21 2020 2:58 PM
Background image

ECC Press Release: End of Appeal Registration Period and Beginning of Adjudication Process

The Electoral Complaints Commission (ECC) organized the press conference today to inform media and electoral stakeholders about beginning of adjudication process. During the press. . .

Tue, Jan 14 2020 2:08 PM
Background image

ECC Press Conference on Completion of Complaints and Objections Adjudication for the Preliminary Results

ECC organized a press conference and announced the completion of complaints adjudication process related to preliminary election. During the press conference, ECC commissioners informed. . .

Mon, Jan 06 2020 1:33 PM
Background image

ECC Press Conference: Registration Closure of Complaints and Objections Raised from Announcement of Preliminary Results

The ECC leadership organized a press conference to update electoral stakeholders about the complaints adjudication process. The ECC emphasized that ECC will complete the adjudication. . .

BACK TO NEWS