د (UNEST) ټاکنیز تخنیکي سلاکار سره د ټاکنیزو شکایتونو خپلواک کمیسیون رهبري پلاوي لیدنه
د ټآکنیزو شکایتونو خپلواک کمیسیون رهبري پلاوي، له ټاکنو څخه د ملګرو ملتونو سازمان د ملاتړ پروژي (UNEST) ستر تخنیکي سلاکار ښاغلي ګرنت کیپن سره، سه شنبه (۷/۱۱/۱۳۹۹) د دغه کمیسیون په مرکزي دفتر کې لیدنه وکړه.
لومړی د ټاکنیزو شکایتونو خپلواک کمیسیون رئیسې آغلې زهرې بیان شینوارې، ښاغلي کیپن ته ښه راغلاست وویل او په افغانستان کې يې د ولسواکۍ لپاره د دوی له ملاتړ څخه مننه وکړه.
په دغې لیدنه کې د ټاکنیزو کمیسیون عمومي رئیسې، له اړونده بنسټونو سره د ټاکنو قانون تعدیل په اړه، د دغه کمیسیون له تخنیکي چمتوالي او د غزني ولایت د ولسی جرګي ټاکنو. د ولایتي شوراګانو، ولسوالیو شوراګانو او ښارولیو ټاکنو شکایتونو د رسیدنې په هکله هر اړخیز معلومات ورکړل.
میرمن شنیوارې د ټاکنیزو کمیسیونونو د رهبري غړو او دفترونو د امنیتي ننګونو چې ورسره مخامخ دي، خواشیني څرګنده کړه او وویل: دغه موضوع يې د افغانستان حکومت سره شریکه کړي ده.
وروسته ګرنت کیپن په افغانستان کې د ملګرو متلونو سازمان له ټاکنو څخه د ملاتړ پروګرامونو څخه ډاډ ورکړ او وویل: ناامني او د ټاکنیزو ناظرانو ترور، د ټاکنو راتلوونکی بهیر زیانمن وي چې باید دا موضوع جدي ونیول شي.
ښاغلي کیپن په اوسنیو شرایطو کې د ټاکنیزو شخړو د حل لپاره، د ټاکنیزو شکایتونو خپلواک کمیسیون نقش اړین وباله او څرګنده يې کړه چې باید د افغانستان سیاست مداران ټاکنیزو بنسټونو خپلواکي ته احترام وکړي.
د ناستې په دوام سره د ټاکنیزو شکایتونو خپلواک کمیسیون منشي او ویاند ښاغلي داکتر محمد قاسم الیاسي، د افغانستان ټاکنو بریالیتوب لپاره، د نړیوالې ټولنې مرستې ارزښتمنې وګڼلي او وویل چې د ټاکنزو شکایتونو خپلواک کمیسیون د یو شبه قضایې بنسټ په توګه کولای شي د ټاکنیزو منازعاتو د حل لپاره اړین نقش ولوبوي.
