د ټاکنیزو شکایتونو خپلواک کمیسیون رهبري پلاوي سره د (UNESP) پروژي ستر سلاکار لیدنه

iecc-af
سه‌شنبه ۱۴۰۰/۳/۱۱ - ۱۵:۱۹
UNESP

له ټاکنو څخه د ملګرو ملتونو سازمان د ملاتړي پروژي (UNESP) ستر سلاکار ښاغلي علي البیاتي، د ټاکنیزو شکایتونو خپلواک کمیسیون رهبري پلاوي سره، نن سه شنبه (۱۱/۳/ ۱۴۰۰) د دغه کمیسیون په مرکزي دفتر کې لیدنه وکړه.

  په پیل کې له ټاکنو څخه د ملګرو ملتونو سازمان د ملاتړي پروژي (UNESP) ستر سلاکار د ټاکنیزو شکایتونو خپلواک کمیسیون کارکوونکو د وړتیاوو لوړولو پروګرامونو په اړه، هر اخیز معلومات ورکړل.

ښاغلي البیاتي وویل: د وړتیاوو لوړولو په هلکه د دغه کمیسیون د دارالانشاء پلان د پروژي له چارواکو سره شریک شوي او ټاکل شويده چې د دواړو خواوو په همغږي سره به، دغه روزنیز پروګرامونه پلي شي.

ښاغلي البیاتي زیاته کړه: هغوی د ټاکنیزو شکایتونو خپلواک کمیسیون رهبري پلاوي ته د ټاکنیزو شخړو د حل او مدیریت تر عنوان لاندې څلور ورځينی پروګرام په پام کې نیولی چې ټاکل شویده، یاد پروګرام د جولای میاشت په دوهمه اونۍ ترسره شي.

همدارنګه البیاتي تصریح کړه چې د شکایتونو کمیسیون د دارالانشاء کارکوونکو د وړتیاوو لوړولو لپاره هم پروګرامونه په پام کې لري چې ډير ژر به پلي شي.

وروسته د ټاکنیزو شکایتونو خپلواک کمیسیون رئیسې آغلې زهرې بیان شینوارې، د وړتیاوو لوړولو پروګرامونو هر کلی وکړ او دغه لړی يې د ټاکنیزو شکایتونو خپلواک کمیسیون د کارکوونکو د مسلکي وړتیاوو لوړلو لپاره مثبت ګام و باله.

میرمن شینوارې، د دارالانشاء د مسلکي څانګو رئیسان او آمرین د دغه کمیسیون د ملا ستنې وبللي او د (UNESP) پروژي له چارواکو يې وغوښتل چې د وړتیاوو لوړولو پروګرامونه دي، له هیواده بهر هم جوړ کړي.

د ناستې په دوام د ټاکنیزو شکایتونو خپلواک کمیسیون مرستیال ښاغلي مولوي دین محمد عظیمي هم د روزنیزو پروګرامونو پلي کول د رهبري پلاوي د مسلکي وړتیاوو لوړولو په موخه ګټور وبلل.

ښاغلي عظیمي یاده کړه چې دا مهال د ټاکنو بهیر کوم ځانګړی عملیاتي پروګرام شتون نلري، له دې امله د روزنیزو برنامو د پلي کولو لپاره ښه او مناسب فرصت دی چې د کارکوونکو وړتیاوي لوړي شي.

همدارنګه د ټاکنیزو شکایتونو خپلواک کمیسیون د دارالانشاء عمومي رئیس ښاغلي چمن شاه اعتمادي، په دغې ناسته کې د پروژي چارواکو ته ډاډ ورکړ چې د وړتیاوو لوړولو برنامو د پلي کولو لپاره هر ډول همکاریو ته چمتو دی او د دارالانشاء کارکوونکي ورسره همکاري کوي تر څو ډير ژر دغه روزنیز پروګرامونه پلي کړي.

همدارنګه د دارالانشاء رئیس، اوسني شرایط د ټاکنیزو شکایتونو خپلواک کمیسیون کارکوونو لپاره د دغو پروګرامونو پیل ښه او مناسب وبلل او ټينګار يې ورکړ چې له دغه فرصت څخه باید د کارکوونکو د وړتیاوو لوړولو لپاره ښه ګټه پورته کړي.

په پای کې د (UNESP) پروژي چارواکو ټينګار وکړ چې ټاکل شويده د شکایتونو کمیسیون کارکوونکو لپاره آنلاین روزنیز پروګرامونه ترسره کړي چې یادو برنامو کې به د انګلیستان او امریکا پوهنتونونو له روزنیز موادو څخه کار واخیستل شي. د یادونې وړ دی چې په دغې لیدنه کې د ټاکنیزو شکایتونو خپلواک کمیسیون ستر سلاکار ښاغلي عبدالقدیر رؤفی هم حضور درلود.

UNESP

UNESP

UNESP

UNESP

تازه خبرونه

سه‌شنبه ۱۴۰۰/۳/۲۵ - ۱۴:۰
Background image

د ټاکنیزو شکایتونو خپلواک کمیسیون کارکوونکو ته د کرونا واکسین لومړي دوز تطبیق

د ټاکنیزو شکایتونو خپلواک کمیسیون کارکوونکو ته د کرونا واکسین لومړی دوز، نن سه شنبه (۱۴۰۰/۳/۲۵) د روغتیا وزارت سیارو واکسیناتوران لخوا تطبیق شو.

سه‌شنبه ۱۴۰۰/۳/۱۱ - ۱۵:۱۹
Background image

د ټاکنیزو شکایتونو خپلواک کمیسیون رهبري پلاوي سره د (UNESP) پروژي ستر سلاکار لیدنه

له ټاکنو څخه د ملګرو ملتونو سازمان د ملاتړي پروژي (UNESP) ستر سلاکار ښاغلي علي البیاتي، د ټاکنیزو شکایتونو خپلواک کمیسیون رهبري پلاوي سره، نن سه شنبه (۱۱/۳/ ۱۴۰۰) د دغه کمیسیون په مرکزي. . .

چهارشنبه ۱۴۰۰/۳/۵ - ۱۵:۳۹
Background image

له ټاکنو څخه د ملګرو ملتونو سازمان ملاتړي پروژي چارواکو سره د ټاکنیزو شکایتونو خپلواک کمیسیون د دارالانشاء رئیس لیدنه

له ټاکنو څخه د ملګرو ملتونو سازمان د ملاتړ پروژي(UNESP) سلاکارانو د ټاکنیزو شکایتونو خپلواک کمیسیون د دارالانشاء رئیس ښاغلي چمن شاه اعتمادي سره نن چهارشنبه(۵/۳/ ۱۴۰۰) په مرکزي دفتر کې. . .

BACK TO NEWS