پنځوس سلنه استینافي قضیو په اړه پریکړي
د ټاکنیزو شکایتونو خپلواک کمیسیون منشي ښاغلي داکتر محمد قاسم الیاسي نن دوشنبه (۱۴/۱۱/۱۳۹۸) له خبریالانو سره په یو ناسته کې د پنځوس سلنه استینافي قضیو د پریکړو څخه خبر وکړ او وویل: د ۵۰ سلنه نورو استینافي قضیو پریکړي به د همدې اونۍ تر پایه پورې هم، پای ته ورسیږي.
ښاغلي الیاسي ټینګار وکړ چې د پریکړو ډیری برخه هغو ۳۰۰ زرو جنجالي رایو پوري اړه لري چې د ټاکنو قانون ، اړونده طرزالعملونو او لوایحو او تخنیکي موضوعاتو ته په پام سره، د دغه کمیسیون د کميشنرانو له ترسره شويدي.
ښاغلي الیاسي د دغو پریکړو جزئیاتو په اړه څه ونه ویل، خو ډاډ يې ورکړ چې دغه پریکړي به د هیوادوالو او ټاکنیزو ټيمونو د قناعت وړ وي.
د نوموړي په وینا د همدې اونۍ د چهارشنبې په ورځ به د شکایتونو کمیسیون د پریکړو جزئیات د یو خبري کنفرانس له لیاري هیوادوالو او اړونده ټاکنیزو بنسټونو سره شریکي کړي.
