د اساسي قانون د تصویب د شپاړسمې کلیزې لمانځنه

iecc-af
Mon, Jan 06 2020 2:59 PM
Afg Constitution

د هیواد اساسي قانون د تصویب شپاړسمه کلیزه نن دوشبنه (۱۳۹۸/۱۰/۱۶) د ټاکنیزو شکایتونو خپلواک کميسیون په مرکزي دفتر کې ولمانځل شوه.
په دغه غونډه کې چې د ټاکنیزو شکایتونو خپلواک کمیسیون او د اساسي قانون پر تطبیق د څارنې کمیسیون د رهبري غړو، د شکایتونو کمیسیون د دارلانشاء رئیسانو او کارکوونکو ګډون درلود، ویناوالو د اساسي قانون په تاریځې موخینې، په ټولنه او همدارنګه په سیاسي نظامونو باندې د هیواد د اساسي قانون ارزښت او څرنګوالي په اړه خبري وکړي.
لومړی د ټاکنیزو شکایتونو خپلواک کمیسیون د دارلانشاء رئیس ښاغلي چمن شاه اعتمادي د افغانستان اساسي قانون په تاریخې سیر باندې خبرې وکړي او هیله څرګنده کړه چې د اوسني اساسي قانون تصویب وکولای شي د افغانستان خلکو ته د هوسا او ښه ژوند زمینې چمتو کړي.
وروسته د ټاکنیزو شکایتونوخپلواک کمیسیون منشي او ویاند ښاغلي داکتر محمد قاسم الیاسي د اساسي قانون په اسلامي، فرهنګي، اقتصادي او ټولنیزارزښتونو او بیلابیلو ابعادو په اړه معلومات وړاندې کړل.
داکتر الیاسی وویل: اساسي حقوق، اداري حقوق، حقوق بشر او سیاسي نظام د  افغانستان په اساسي قانون راڅرخي او هیڅ داسې فرعي  قانون نشي تصویب کیدای چې له اساسي قانون سره په ټګر کې وي. ښاغلي الیاسي د هیواد اساسي قانون په سیمه کې بې بدیله وګاڼه خو زیاته يې کړه د اساسي قانون یو شمیر تناقضي موادو ته په پام سره، دا قانون تعدیل ته اړتیا لري.
په همدې توګه د ټاکنیزو شکایتونو خپلواک کمیسیون غړي ښاغلي سید قطب الدین رویدار چې د هیواد اساسي قانون د تسوید بهیر کې يې حضور درلود، د افغانستان د اساسي قانون د تسوید د بیلابیلو پړاونو په اړه يې ګډوالو ته معلومات وړاندې کړل او زیاته يې کړه، د دغه قانون د تصویب لپاره د علمي او حقوقي څيړنو برسیره د هیواد له یو میلیون وګړو څخه ټول پوښتنه هم ترسره شوي ده.
د ناستې په دوام کې د اساسي قانون پر تطبیق د څارنې کمیسیون کمیشنر ښاغلي داکتر عبدالروف هروي وویل: د افغانستان اساسي قانون د یو ملي وثیقې په توګه د دولتي بنسټونو واکونه مشخص کړي او په دغه قانون کې، د وګړو حقوق، د بیان آزادي، د اقلیتونو حقوق، دیني او مذهبي آزادی ضمانت شويدي.
په پای کې د ټاکنیزو شکایتونو خپلواک کمیسیون مرستیال ښاغلي مولوي دین محمد عظیمي هم وینا وکړه او وویل: وضعي قوانین تاریخې او اسلامي ریښې لري او اسلامي شریعت سره په ټکې کې نه دی. ښاغلي عظیمي زیاته کړه؛ د دغه قانون پلي کول د یو ملي وثیقه په توګه باید د ټولو لپاره معیار وي.
د ټاکنیزو شکایتونو خپلواک کمیسیون مرستیال د اساسي قانون پر تطبیق د څارنې کمیسیون څخه وغوښتل چې هغه بنسټونه چې اساسي قانون يې نقض کړی، هیوادوالو ته وروپيژني، له هغه پرته به دا کمیسیون خپل اعتماد له لاسه ورکړي.

Afg Constitution

Latest news

Thu, Jul 30 2020 8:13 AM
Background image

عید الاضحی کریب کیگن مناسبت بیلن تبریک پیامی

مستقل سایلولر شکایت کمیسیه سی؛ مسلمانلرنینگ وحدت و بیرلیگ رمزی بولگن و ابراهیم خلیل الله (ع) نینگ قیگن قربانلیگینی ایسلاتادیگن عید سعید الاضحی کریب کیگنی اوچون بوتون دنیا مسلمانلریگه،. . .

Mon, Dec 02 2019 10:26 AM
Background image

سیلاو شکایت لرینی تیکشیریش مستقل کمیسیون و سیلاو نهاد لرنینگ اورته سیده گی کیلوشو نامه

سیلاو شکایت لرینی تکشیریش مستقل کمیسیون بوکون( یکشنبه مورخ ۱۳۹۸/۹/۱۰) سیلاو نهاد لرنینگ ناظر لریبنل سیلاو مسله سی گه یاردملش مقصد کیلوشونامه گه قول قیدیلر. اشبو کیلیشو نامه گه قول. . .

Thu, Nov 21 2019 11:06 AM
Background image

سیلاو شکایت لرینی تیکشیریش ایرکین کمیسیون نینگ رهبرلیک اعضالری، آواز قیته سنلیش جریانیدن نظارت قیلدیلر

سیلاو شکایت لرینی تیکشیریش مستقل کمیسیون نینگ حرمتلی رهبرلیک اعضالری بوکون (چهارشنبه 1398/8/29) سیلاو مستقل کمیسیونیده گی سیلاو جمهورلیک ریاستی نینگ آوازلری قیته سنلیش جریانیدن نظارت. . .

BACK TO NEWS